Klei kƀĭn bruă duh mkra Asi – Pacific (APEC) thŭn 2027 hŏng akŏ “Mkŏ, rŭ mdơ̆ng dŭm anôk bruă duh mkra kluôm leh anăn čŏng pô” srăng jing gru kruăk yuôm bhăn, bi êdah kơhưm mơ̆ng Việt Nam hlăm alŭ wăl. Bruă tŭ drông dŭm êbâo čô bi ala, khua gĭt gai gưl dlông leh anăn phung mnia mblei mơ̆ng 21 anôk bruă duh mkra hgŭm hlăm APEC đru kơ Phú Quốc  jing knơ̆ng mơ̆ng dŭm klei kuôl kă mnia mblei, mkŏ mjing klei mjĕ giăm plah wah dŭm anôk bruă duh mkra.

Leh hmư̆ dŭm klei blŭ hrăm, Khua knŭk kna mñă kơ čar Kiên Giang srăng bi kna mmông ngă bruă, bruă mă, srăng bi klă kơ hnơ̆ng, djŏ pô dŭm hdră đru kơ APEC. Khua knŭk kna jao bruă klam kơ k’iăng Khua knŭk kna Bùi Thanh Sơn klam dŭm mta phŭn leh anăn bruă mkŏ mjing klei kƀĭn trông, k’iăng Khua knŭk kna Nguyễn Chí Dũng klam bruă ksiêm dlăng duh bi liê bruă mkŏ mkra, k’iăng Khua knŭk kna Trần Hồng Hà klam dŭm boh klei djŏ tuôm kơ bruă mlih mta kñăm yua lăn, lăn dliê.