Khua knŭk kna mtă kơ dŭm alŭ wăl gĭr dlăng kơ bruă duh bi liê bruă mkŏ mkra ti alŭ wăl jing klei duh bi liê đĭ kyar, kyuanăn srăng mkăp hruê mmông, ai dưi čiăng gĭt gai, ktrâo lač, bi tuôm, mđĭ ai phung ngă bruă, đru kčĕ ngă ngă bruă jăk. Bi hŏng đa đa hdră êlan ti êlan dơ̆ng Ngŏ – Yŭ ti dŭm alŭ wăl srăng hur har hluê ngă hma.

Bi kơ hdră Dak Nông – Bình Phước srăng ngă hmar čiăng čar kơ Dak Nông tlaih ƀuh leh anăn Bình Phước mdrŏng sah. Bi kơ đa đa bruă klam kñăm hlăm wưng kơ anăp, Khua knŭk kna lač klă, srăng bi leh hnưm dŭm mta hră mơar, bi kna ngăn prăk, ya mta kpăk gun srăng hưn hŏng bruă kƀĭn ala mgaih msir, dŭm alŭ wăl mghaih msir jih hnơ̆ng bruă ruh mgaih anôk ala hŏng ai tiê mđing hmư̆, mgaih msir dŭm klei amâo mâo djŏ ai mnuih ƀuôn sang. Khua bruă Đảng nah gŭ, khua bruă sang čư êa srăng hưr har nao hgŭm. Khua knŭk kna mtă kơ dŭm alŭ wăl čŏng pô, hur har hĭn hlăm bruă anei, mkŏ mjing wăl đĭ kyar mrâo, mbĭt hŏng anăn ngă jăk bruă čuăl mkă, bi klă klei čuăl mkă kơ lăn ala leh anăn dŭm boh klei mkăn.