Blŭ hrăm hlăm mmông mă bruă, Khua knŭk kna mtă kơ phung hlăm knŭk kna mblang bi klă boh klei krĭng wăl, dlông rŏng lăn, lač kơ klei găl, dleh dlan čiăng mâo hdră msir djŏ guôp, ba mdah bruă klam, hdră msir, mđĭ lar jih hnơ̆ng klei găl, ruh mgaih klei dleh dlan mơ̆ng anôk bruă duh mkra, mnuih ƀuôn sang čiăng mđĭ kyar.

Hlue si klei hưn mdah, boh klei bruă duh mkra ala ƀuôn hlăm mlan 2 leh anăn 2 mlan akŏ thŭn lŏ dơ̆ng mđĭ kar kjăp. Ênoh prăk hrui wĭt ba čhĭ mlan 2 đĭ 6,2% mkă hŏng mlan 1. Mkra mjing lŏ hma, dliê kmrơ̆ng, kan hdang kjăp leh anăn mâo hnơ̆ng đĭ kyar. Tuh tia mkra mjing mâo klei bi knăl kơrŭ wĭt.