Blŭ hrăm ti anôk bi kƀĭn, Khua knŭk kna Phạm Minh Chính mñă, hdră kčah brei bi mklă dŭm hdră êlan mtrŭn mơ̆ng Đảng ti dŭm hdră mtrŭn, klei kčah mtrŭn, asăp mtrŭn, klei gĭt gai mơ̆ng Gưl dlông, mơ̆ng Phŭn bruă kđi čar, Anôk kriê dlăng bruă Đảng; mơ̆ng Khua gĭt gai Đảng; giăm anei hĭn jing Hdră mtrŭn mrô 59 mơ̆ng Phŭn bruă kđi čar kơ hdră ñŭ kma hŏng tar rŏng lăn hlăm boh klei mrâo; hdră kčah brei mâo ai tiê rŭ mdơ̆ng, ai tiê mtrŭt mđĭ hdră ngă bruă, brei mâo klei klă klơ̆ng lehanăn dưi hluê ngă tŭ dưn hlăm boh klei dôk mâo sĭt.

Khua knŭk kna Phạm Minh Chính mtă brei ksiêk kjăp ai tiê mlih mrâo hlăm hdră hŏng tač êngao, mkăp kơ klei tŭ dưn mơ̆ng ala čar, mơ̆ng djuê ana, klei tŭ dưn kơ mnuih ƀuôn sang, đru răng mgang klei hnŭk êngiê, êđăp ênang, hluh lir lehanăn kluôm dhuôm krĭng lăn, mđĭ kyar ala čar, bi hơĭt boh klei hlăm ala čar, hlăm mnuih ƀuôn sang, mta kñăm knhal tuič jing mnuih ƀuôn sang ƀrư̆ hruê ƀrư̆ trei mđao, yâo mơak./.