Hlue si hdră kčah dưi bi mklă, krĭng Dap mnai krông Cửu Long mâo 6 êlan dơ̆ng êran pral hŏng boh dlông hlăm brô 1.188km. Mđing kơ hdră kñăm êdei thŭn 2025, kluôm krĭng Dap mnai krông Cửu Long srăng mâo hlăm brô 548 km êlan dơ̆ng êran pral dưi ba yua leh anăn truh thŭn 2030 jing 763km.

Blŭ hrăm hlăm anôk bi kƀĭn, Khua knŭk kna Phạm Minh Chính lač, krĭng Dap mnai krông Cửu Long mâo lu klei găl ƀiădah anôk bruă nah gŭ ară anei ăt adôk dleh dlan, boh nik anôk bruă êlan klông, ngă kơ bruă dŭ mdiăng mnơ̆ng dhơ̆ng srăng dleh dlan, ênoh bi liê Logistic, bi hrŏ klei bi ktưn mơ̆ng mnơ̆ng dhơ̆ng. Khua knŭk kna mtă kơ phung bi ala đru mguôp brei klei blŭ hlăm boh phŭn, lač kơ klei gun kpăk, anôk ruh mgaih, ya klei jăk snăn mđĭ lar, mă klei hriăm, brei pah mni kơ phung, êpul ngă jăk, hlei pô, êpul ƀơ̆ng ngăn brei đŭ bi kmhal bi djŏ.