Leh hmư̆ klei blŭ mguôp, Khua knŭk kna Phạm Minh Chính mñă klă jar hdră bhiăn kơ bruă hlue ngă hdră kñăm ngăn prăk kluôm amâo mdei bi leh. Dŭm êpul bruă mkăp, hdră mbha lŏ dơ̆ng ktuê dlăng, mkŏ dăp leh anăn mđĭ kyar djŏ guôp hĭn. Bruă hâo hưn mtô mblang ngă leh jăk, mâo lu hdră ngă mrâo.

Kơ hdră kñăm, Khua knŭk kna lač klă mnuih ƀuôn sang brei dưi dưn klei mtăp mđơr hŏng hdră ngăn prăk, boh nik jing mnuih ƀuôn sang ti krĭng taih kbưi, krĭng knông lăn, plao ksĭ, mnuih ƀuôn sang jing phung êdu awăt, hđeh sang hră, phung hriăm gưl prŏng. Mơ̆ng hdră mrâo mrang 4.0 leh anăn mlih mrô čiăng dưi mâo klei mtăp mđơr, kluôm kơ hdră bruă ngăn prăk ala čar, čiăng drei rơ̆ng hnơ̆ng mtăp mđơr ala ƀuôn, rơ̆ng klei êđăp ênang ala ƀuôn hlăm hdră mđĭ kyar.