Hlăm mmông blŭ hrăm, bi ala dŭm anôk bruă duh mkra leh anăn êpul hgŭm ASEAN bi myuôm wăl duh bi liê ti Việt Nam, dlăng anei jing anôk iêo jak, mbĭt anăn bi êdah lu klei akâo djŏ tuôm hŏng hră mơar knŭk kna, prăk jia, ênoh pui kmlă leh anăn mnia mblei điện tử. Khua gĭt gai dŭm phŭn, dhar bruă Việt Nam hlăk mblang dŭm klei bi êdah mơ̆ng knơ̆ng bruă.

Blŭ hlăm mmong mă bruă, Khua knŭk kna mñă ktang klei mjĕ giăm Việt Nam – ASEAN jing mnơ̆ng bi klă kơ klei bi mguôp, bi mguôp alŭ wăl. Việt Nam dlăng ASEAN jing klei mđing mrô 1 hdră êlan leh anăn ƀuăn mkŏ mjing êpul êya ASEAN kjăp ktang. Khua knŭk kna hmăng hmưi anôk bruă duh mkra ASEAN pŏk mlar klei duh bi liê mnia mblei, ba jao kdrăp mrâo, đru bi kluôm hdră kiă kriê, mkŏ mjing ai dưi hnơ̆ng tŭ jăk, kriê dlăng thâo mĭn, gĭr mâo dŭm hdră bi mguôp boh duh mkra mâo knhuah bi hmô plah wah Việt Nam leh anăn dŭm ala čar ASEAN. Hlăm anăn, čiăng mtrŭt mđĭ bruă duh mkra, mđĭ kyar bruă duh mkra mrô, pui kmlă leh anăn bi mdrơ̆ng hŏng klei bi mlih yan adiê.