Blŭ hrăm hlăm mmông mă bruă, Khua knŭk kna Phạm Minh Chính lač jăk kyua klei kah mbha mơ̆ng dŭm anôk bruă duh mkra China, bi êdah klei khăp, bruă klam, klei siă suôr hŏng bruă păn jing anôk bruă duh mkra dôk ƀơ̆ng, êdah êdi.

Khua knŭk kna Phạm Minh Chính hmăng hmưi dŭm anôk bruă duh mkra China mđĭ kyar Việt Nam jing krĭng phŭn bruă mkra mjing, đru mđĭ kyar bruă duh mkra mrô, bruă duh mkra mtah, đĭ kyar pral leh anăn hơĭt kjăp, mnia mblei jăk, djŏ hŏng hdră bhiăn, mđing hmư̆ klei bi mguôp hdơ̆ng po, kah mbha hdră trah dlăng, klei ngă bruă, bao jao kdrăp mrâo mang kơ Việt Nam, đru kơ Việt Nam mơ̆ng anôk bruă duh mkra điêt jing anôk bruă duh mkra prŏng, đĭ kyar, nao hgŭm hlăm tar rŏng lăn. Khua knŭk kna Phạm Minh Chính hmăng hmưi dŭm anôk bruă duh mkra China đru kơ Việt Nam hŏng klei bi kna, bi đua klam, năng hŏng klei mjĕ giăm dua ala čar.