Khua knŭk kna mñă ktang, bruă gang mkhư̆ klei luč liê mang mâo nanao Đảng, knŭk kna uêñ mĭn leh anăn boh nik hlăm wưng ară anei lăn čar dôk ti anăp klei găl hƀuê ênuk mŭt hlăm ênuk kpưn đĭ mơ̆ng djuê ana pô. Knŭk kna mkŏ mjing leh êpul gĭt gai bruă gang mkhư̆ klei luč liê mang mâo jih jang phung khua gĭt gai dŭm phŭn bruă, anôk bruă knar hŏng phŭn bruă mgaih msir jih hnơ̆ng dŭm klei kpăk gun, ngă luč mang ai dưi mơ̆ng bruă duh mkra, mkŏ mjing klei mlih mrâo, mâo ai lar bra ktang hŏng bruă anei.

Khua knŭk kna lač klă, klei kƀĭn tal êlâo anei čiăng hriăm mbĭt ksiêm dlăng bruă ngă leh, dŭm boh tŭ dưn dưi mâo, klei dleh dlan, kpăk gun leh anăn phŭn agha, mă klei hriăm čiăng ngă tur knơ̆ng ba mdah dŭm bruă klam, hdră êlan hlăm wưng kơ anăp, boh nik jing bruă ruh mgaih klei dleh dlan čiăng mgaih msir jih hnơ̆ng, bi lar ai dưi kơ bruă duh mkra.