Blŭ hrăm ti knăm anei, Khua knŭk kna Phạm Minh Chính mñă: Hlăk hdră duh mkra Việt Nam dôk đĭ kyar man dưn, dôk bi mlih lehanăn tŭ lu klei hmăi mŏng klei amao hơĭt nah êngao, bruă tĭng dlăng boh klei brei rŏng hdră klă mngač čiăng ba mdah hdră msir djŏ guôp. Hluê si Khua knŭk kna, tuôm hŏng klei dleh dlan hĭn mơh brei drei thâo gĭr ktưn hĭn, čŏng pô bi mlih mrâo lehanăn kpưn đĭ pral hĭn.

Khua knŭk kna mtă kơ dŭm Phŭn, dhar bruă, êpul group, knơ̆ng bruă knŭk kna brei nao hgŭm kjăp hĭn hlăm hdră bi mlih mrô, mđĭ kyar anôk bruă nah gŭ mrô lehanăn mjing mnơ̆ng dhơ̆ng mrô. Mbĭt anăn, brei rŏng klei êđăp ênang hdră hâo hưn kơ ênoh mrô, klei êđăp ênang êlan mạng ala čar. Klei kơ mnuih mă bruă, brei mkŏ mjing êpul “knuă druh mrô”, lar bra hdră bruă “Mnuih ƀuôn sang ksiêm hriăm kơ kdrăp mrô” čiăng mtrŭt mđĭ bruă mkŏ mjing “Mnuih ƀuôn sang mrô”./.