Hlăm klei kƀĭn, phung khua êmua knŭk kna bi trông kơ dŭm boh klei yuôm bhăn, dôk mâo klei blŭ mdê mdê čiăng akâo klei blŭ knŭk kna kơ: Hdră bhiăn Pui kmlă nguyên tử (mkra mlih), hdră bhiăn mkăp mđuê̆ êa, hdră bhiăn kriê dlăng, mđĭ kyar wăl krah, hdră bhiăn kreh knhâo mrâo mrang leh anăn mlih mrâo mbruă, hdră bhiăn yua pui kmlă mkiêt mkriêm, tŭ dưn leh anăn mñă mkŏ mjing hdră bhiăn Anôk bruă duh mkra (mkra mlih).

Blŭ hlăm klei bi kƀĭn, Khua knŭk kna Phạm Minh Chính lač klă: duh bi liê bi kluôm, mkŏ mjing hdră bhiăn jing duh bi liê kơ klei đĭ kyar, ngă jăk bruă mkŏ mjing hdră bhiăn srăng mkŏ mjing klei găl đĭ kyar. Khua knŭk kna mñă kơ bruă čih mkra dŭm hră mơar hdră bhiăn čar kñăm jih klei mĭn, bi lar ai tiê bruă klam, dŭm hră mơar srăng khuăt, klă mngač, ênưih thâo săng, ênưih dưn yua, bi klă, ksiêm dlăng, ngă srăng pral, ngă êjai, mă klei hriăm êjai.