Leh hmư̆ dŭm klei bi êdah hlăm klei kƀĭn, Khua knŭk kna Phạm Minh Chính mñă ktang, bruă hluê ngă dŭm hdră kñăm êlan klông dŭ mdiăng đru mguôp hlăm klei đĭ kyar mơ̆ng lăn čar, kyuanăn srăng ksiêm dlăng gĭt gai čiăng đĭ kyar leh anăn mgaih msir hdră duh ƀơ̆ng, bruă mă kơ mnuih ƀuôn sang, đru brei čan duh bi liê bruă knŭk kna, mđĭ ênoh lăn, mkŏ mjing wăl đĭ kyar ti dŭm alŭ wăl.

Khua knŭk kna mñă kơ dŭm alŭ wăl, boh nik jing ƀuôn prŏng Hồ Chí Minh leh anăn dŭm čar Bình Dương, Đồng Nai, Long An bi mguôp hŏng Phŭn bruă ngăn prăk čiăng mtrŭt bi pral klei hưn dmah ksiêm duah hdră rŭ mjing êlan knhal 4 ƀuôn prŏng Hồ Chí Minh, čar Bình Phước, Dak Nông, bi pral bi klă klei hưn mdah ksiêm duah rŭ mjinr êlan dơ̆ng pral Gia Nghĩa - Chơn Thành čiăng trŭn ngă bruă hlăm wưng hruê 30/4/2025…Phung duh bi liê ksiêm dlăng ngăn prăk čiăng hưn mdah jao prăk dŭm hdră hluê ngă hlăm thŭn 2025 phŭn bruă ngăn prăk čiăng dăp djăp prăk kơ dŭm hdră.