Blŭ hlăm klei kƀĭn, Khua knŭk kna Phạm Minh Chính mñă klă klei čiăng hyuă kjăp, hluê ngă hrăm mbĭt, mâo boh tŭ dưn dŭm bruă klam, hdră êlan hluê si klei bi klă mơ̆ng gưl dlông, Phŭn bruă kđi čar, Hdră mtrŭn mơ̆ng Bruă kƀĭn ala, knŭk kna, gĭr ktưn hluê ngă tŭ jing dŭm mta kñăm, hdră kčah, bruă klam mđĭ kyar bruă duh mkra ala ƀuôn thŭn 2023 ba mdah leh.

Hlăm anăn, dŭm bruă klam kđi čar yuôm bhăn jing mtrŭt mđĭ klei brei čan duh bi liê bruă knŭk kna leh anăn hluê ngă hdră kơrŭ wĭt leh anăn mđĭ kyar bruă duh mkra ala ƀuôn, 3 hdră ala čar knăm. Khua knŭk kna mñă klă, dŭm bruă klam anei jing yuôm bhăn hlăm bruă duh mkra, ala ƀuôn, bruă lĭng kahan, ruh mgaih dŭm klei dleh kpăk, mkŏ mjing tur knơ̆ng bruă mkŏ mkra, ktrâo atăt klei duh bi liê, pŏk êlan mđĭ kyar mrâo, mđĭ hĭn klei mkŏ, rơ̆ng hơĭt bruă duh mkra hnơ̆ng prŏng, lăm lui klei ư̆ êpa, bi hrŏ ƀun, mđĭ ai dưi ala čar, mkŏ mjing boh kdrŭt kơ klei krŭ wĭt hmar leh anăn đuĭ kyar kjăp.