Blŭ klah čŭn ti knăm anei, Khua knŭk kna Phạm Minh Chính mñă klă: Yŭ Dưr lehanăn krĭng djiêu gah jing alŭ wăl phŭn, mâo boh tŭ yuôm bhăn hlăm bruă kđi čar, hdră duh mkra – ala ƀuôn, bruă lĭng kahan, răng mgang klei êđăp ênang, jing “Ƀăng jang” nah Dưr mơ̆ng ala čar lehanăn siă suôr hŏng hdră mkŏ mkra, răng mgang klei dưi kiă kriê kluôm dhuôm krĭng lăn mơ̆ng Ala čar.

Khua knŭk kna mñă, dŭm phŭn, dhar bruă, alŭ wăl mđing pŏk ngă tŭ dưn hdră mtrŭn djuê ana, klei đăo; hluê ngă dŭm hdră mđĭ kyar bruă duh mkra, dhar kreh, ala ƀuôn, mjing bruă mă, mtrŭt mđĭ ai tiê čŏng pô, gĭr ktưn kpưn đĭ mơ̆ng mnuih ƀuôn sang hlăm hdră mđĭ kyar bruă duh mkra – ala ƀuôn lehanăn kriê kjăp, mdĭ lar dŭm boh tŭ jăk siam mơ̆ng dhar kreh, klei mĭn đăo djuê ana mơ̆ng đưm, đru mđĭ klei hdĭp mnơ̆ng dhơ̆ng, ai tiê klei mĭn mơ̆ng mnuih ƀuôn sang djuê ƀiă ti dŭm alŭ wăl. Khua knŭk kna mtă kơ dŭm phŭn, dhar bruă, alŭ wăl mđing hluê ngă hlăm 5 êpul bruă klam phŭn, hlăm anăn brei bi mguôp kjăp plah wah hdră mđĭ kyar bruă duh mkra – ala ƀuôn, bruă lĭng kahan, răng mgang klei êđăp ênang ti krĭng Yŭ Dưr lehanăn djiêu gah./.