Leh hmư̆ dŭm klei blŭ hrăm, Khua knŭk kna Phạm Minh Chính mtă kơ êpul bruă mđing hmư̆ klei blŭ phung bi ala čiăng lŏ dơ̆ng mkra bi leh mbĭt anăn lŏ dơ̆ng akâo klei blŭ mơ̆ng Phŭn bruă kđi čar.

Khua knŭk kna mñă, bruă čih mkra Klei hâo mdah bruă Duh mkra – Ala ƀuôn hlăm boh klei tar rŏng lăn dôk mâo lu klei bi mlih pral, dleh dưi ksiêm dlăng, mâo klei hmăi prŏng, kluôm dhuôm, Khua knŭk kna mtă brei ksiêm dlăng kjăp klei mâo, kbiă hriê mơ̆ng boh sĭt, mpŭ kơ boh sĭt, mă boh sĭt ngă giê mkă hlăm bruă čih mkra čiăng djŏ guôp hŏng klei mâo; brei ngă pral hĭn, ktang hĭn, mlih mrâo hĭn lehanăn ba wĭt lu boh tŭ dưn hĭn. Khua knŭk kna lač klă, klei čiăng jing lu snăn, wưng bhiâo, bruă lu, mnuih ƀuôn sang čang guôn lehanăn brei ksiêm dlăng si ngă kñăm ba wĭt boh tŭ dưn lehanăn dưi mâo 2 mta kñăm 100 thŭn msĕ si Klei kƀĭn tal XIII mơ̆ng Đảng kčah leh./.