Hlăm klei kƀĭn, êpul gĭt gai ksiêm wĭt bruă knuă mơ̆ng Êpul, hlăm anăn bi trông leh anăn brei klei blŭ mguôp kơ bruă ruah mgaih dŭm klei kpăk kơ Sang mđung asăp blŭ Việt Nam (VOV) hlăm bruă mgaih msir dŭm boh klei mơ̆ng VTC mơ̆ng hdră đru, hdră êlan kơ mnuih mă bruă, mgaih msir ngăn dŏ leh anăn mgaih msir nư êjai mjưh ruê̆ bruă mơ̆ng sang mđung rup VTC bi mŭt mbĭt hŏng Sang mđung rup Việt Nam.

Bi klă hlăm klei kƀĭn, Khua knŭk kna Phạm Minh Chính čih yap ai tiê, bruă klam mơ̆ng êpul gĭt gai, boh nik jing Phŭn bruă kiă kriê bruă knuă – anôk bruă êpul gĭt gai leh anăn adŭ bruă knŭk kna, mđing hmư̆ dŭm klei bi mguôp mơ̆ng dŭm anôk bruă, lŏ bi kluôm thiăm sa knhuang dŭm hră mơar čiăng hưn mdah hŏng êpul gĭt gai Gưl dlông, Phŭn bruă kđi čar. Lač kơ dŭm boh klei mơ̆ng VTC hlăm bruă mgaih msir mnuih mă bruă, Khua knŭk kna lač klă, ai tiê jing si srăng ngă čiăng dưi rơ̆ng kơ klei čuăn mơ̆ng Đảng, hdră bhiăn lăn čar, rơ̆ng kơ klei dưi, boh tŭ dưn kơ mnuih mă bruă.