Ti anôk bi kƀĭn, dŭm klei blŭ mđing kơ bruă čih mkra Hdră bhiăn bruă ngă soh jhat (mkra mlih), klei kčah mtrŭn kơ klei bi kmhal mdjiê asei, hnơ̆ng đŭ bi kmhal hŏng prăk mơ̆ng dŭm klei ngă soh hŏng hdră bhiăn; dŭm bruă djŏ tuôm kơ klei ngă soh ba yua kdrăp mrâo, klei ngă mdêč mdar hlăm bruă mnia mblei, msir mghaih klei ngă soh jhat mơ̆ amâo dah hơaĭ hlăm bruă pŏk ngă gru hmô bruă mnia mblei mrâo lehanăn klei lông ba yua kdrăp mrâo mrang…

Khua knŭk kna Phạm Minh Chính lač klă, hdră mkra mlih anei mđing hlăm dŭm mta bruă, boh nik jing bi mlih mơ̆ng klei bi kmhal mdjiê asei jing krư̆ kđăl. Klah čŭn ti klei bi kƀĭn anei, Khua knŭk kna mñă klă, čih mkra hdră bhiăn brei mâo klei bi mlih hlăm klei mĭn, klei hlak mblang, bi hrŏ klei ngă hră mơar. Khua knŭk kna ăt mtă brei kah mbha gưl, kah mbha klei dưi tuič hnơ̆ng hŏng dŭm anôk bruă ksiêm dlăng, nao mbĭt hŏng bruă mkăp mnuih ngă bruă lehanăn mđĭ klei thâo hluê ngă; rơ̆ng bi mklă klei đua klam, klei dưi, wưng hluê ngă tơdah hdră bhiăn anei mâo boh tŭ ba yua kñăm rơ̆ng boh tŭ dưn hdră hluê ngă./.