Hlăm klei kƀĭn trông phung bi ala kñăm bi trông kơ đa đa mta phŭn djŏ tuôm hŏng hnơ̆ng čuăn rŭ mdơ̆ng sang dôk yang ƀuôn jao kơ dŭm alŭ wăl, hdră êlan kpăk gŭn čiăng mgaih msir, hdră iêo jak ai dưi, rŭ mdơ̆ng sang dôk yang ƀuôn, hră mơar knŭk kna.

Blŭ hrăm hlăm klei kƀĭn trông, Khua knŭk kna Phạm Minh Chính brei thâo, hdră êlan mơ̆ng Đảng, knŭk kna knŏng ktrâo klă jing mđĭ kyar pral ƀiădah hơĭt kjăp, amâo mâo mlih hŏng klei mrâo mrang, klei mtăp mđơr, klei hdĭp yang ƀuôn čiăng tui tiŏ klei đĭ kyar bruă duh mkra. Khua knŭk kna ktrâo klă, srăng mđing tal êlâo sang dôk yang ƀuôn êlâo kơ sang dôk čhĭ mnia. Sang dôk yang ƀuôn srăng dưi duh bi liê hrăm mbĭt hŏng bruă mkŏ mkra êlan klông, bruă mdrao mgŭn, mtô mjuăt bi hriăm, mjuăt asei mlei, yang ƀuôn, wăl hdĭp mda…msĕ si sang dôk mnia mblei, ƀiădah knŏng mdê mă jing knŭk kna mâo dŭm hdră êlan đru. Khua knŭk kna ktrâo klă đa đa hdră êlan leh anăn dôk hluê ngă msĕ si mkŏ mjing kreh prăk sang dôk ala čar, brei čan hlăm ênoh 140 êbâo êklai prăk kơ sang dôk yang ƀuôn.