Blŭ hrăm hlăm klei kƀĭn, Khua knŭk kna Phạm Minh Chính ktrâo kla leh boh sĭt tar rŏng lăn leh anăn hlăm ala čar mơ̆ng anăn lač kla bruă klam mơ̆ng knơ̆ng bruă knŭk kna, hlăm anăn mñă ktang: Dŭm knơ̆ng bruă knŭk kna srăng đru mtrŭt mđĭ klei đĭ kyar bruă duh mkra hmar leh anăn hơĭt kjăp, ba lăn čar đĭ kyar hlăm wưng kơ anăp, srăng pral bi mlih klei mĭn, hdră ngă bruă leh anăn kčưm mơ̆ng boh sĭt, srăng iêo jak ai dưi mơ̆ng mnuih ƀuôn sang.

Srăng ksiêm dlăng, bi kluôm hdră kiă kriê, srăng ba mdah dŭm hdră êlan čiăng mkŏ mjing ai dưi, čiăng kơ ai dưi mđĭ 2 blư̆, tlâo blư̆, jing tur knơ̆ng čiăng kơ drei kpưn đĭ. Khua knŭk kna brei thâo, thŭn 2025 mâo boh tŭ dưn yuôm bhăn, jing thŭn bi pral, gĭr đĭ kyar GDP mâo ƀiă êdi 8%, mkŏ mjing boh kdrŭt čiăng kơ dŭm thŭn kơ anăp đĭ kyar 2 ênoh mrô. Hŏng bruă klam leh anăn ai dưi pô, Khua knŭk kna mñă kơ dŭm knơ̆ng bruă knŭk kna srăng bi pral ba lăn čar đĭ kyar hơĭt kjăp hĭn.