Hlăm mmông mă bruă, Khua knŭk kna Phạm Minh Chính bi myuôm klei kah mbha kpă ênô, dŭm klei hmăng hmưi, klei čiăng mơ̆ng dŭm knơ̆ng bruă Dhŭng Korea, bi êdah klei thâo, klei đăo knang hdơ̆ng pô. Khua knŭk kna hmăng hmưi dŭm anôk bruă duh mkra Dhŭng Korea ngă jăk dưi ngă jăk hĭn, đru kčĕ kơ Việt Nam mđĭ kyar hmar leh anăn hơĭt kjăp msĕ hŏn tuôm ngă leh ti dŭm ala čar găp, mkŏ mjing, đru mguôp čiăng mâo klei klă mngač.

Mbĭt anăn lŏ dơ̆ng pŏk mlar klei duh bi liê mnia mblei ti Việt Nam  leh anăn dlăng Việt Nam jing anôk mkra mjing, duh bi liê, đru kơ Việt Nam  nao hgŭm êlam hlăm klei mkăp brei tar rŏng lăn, bi lu jơr anôk mnia mblei, mnơ̆ng dhơ̆ng, đru ba jao kdrăp mrâo kơ Việt Nam, đru mkŏ mjing ai dưi hnơ̆ng tŭ jăk, mtô mjuăt mđĭ klei thâo, kiă kriê thâo mĭn, bi mlih hdră ngă bruă găl guôp hŏng tar rŏng lăn leh anăn Việt Nam. Boh nik jing klei duh bi liê hlăm bruă tuh tia, dhar kreh, mlih mrâo hŏng klei mbruă, kdrăp sinh học, kdrăp mrâo mrang mtah, mrô, klei thâo mơ̆ng anak mnuih mkra mjing, mta bán dẫn.