Mgaih msir dŭm klei dleh dlan, gun kpăk leh anăn mgaih msir klei hưn mdah kñăm đru kơ čar Bến Tre đĭ kyar hmar, kjăp. Hlăm mmông mă bruă, Khua knŭk kna đăo knang, hŏng hdră tă, hdră êlan đĭ kyar djŏ guôp, mbĭt hŏng klei gĭr, bruă klam mơ̆ng bruă kđi čar, hŏng klei nao hgŭm mơ̆ng êpul êya dŭm knơ̆ng bruă leh anăn mnuih ƀuôn sang hlăm čar, Bến tre srăng dưi bi lar ai tiê bi mguôp, mâo klei mĭn kdlưn hĭn, kgŭ dơ̆ng ngă pô leh anăn kpưn đĭ ktang, mkŏ mjing hdră kgŭ dơ̆ng hrăm mbĭt mrâo čiăng kơ čar Bến Tre jing čar đĭ kyar ti krĭng dap mnai krông Cửu Long ti thŭn 2025 leh anăn hlăm ala čar ti thŭn 2030.

Bi kơ dŭm klei hưn mdah mơ̆ng čar hluê si tur knơ̆ng klei hưn mdah mơ̆ng khua gĭt gai dŭm phŭn, dhar bruă gưl dlông, Khua knŭk kna tŭ ư hŏng bruă mgaih msir dŭm klei hưn mdah mơ̆ng čar, hluê hdră rơ̆ng djŏ hŏng mta mtrŭn hlăm klei bhiăn ala čar, mkŏ mjing klei bi mguôp, iêo mthưr jih hnơ̆ng dŭm ai dưi đru kơ klei đĭ kyar čar.