Bi ala phung khua kiă kriê Đảng, Knŭk kna, Khua knŭk kna Phạm Minh Chính mơĭt leh asăp hơêč hmưi Hruê Noel êđăp ênang, yâo mơak truh kơ phung Per lehanăn mnuih hluê đăo Khop ti krĭng đăo Lào Cai. Khua knŭk kna mñă klă Đảng, Knŭk kna čang hmăng Phung per lŏ dơ̆ng hluê ngă kjăp klei bhiăn “Khăp kơ Khua yang khăp kơ ƀuôn sang”, “Hdĭp jăk, đăo djŏ”, klei bhiăn đăo siă suôr hŏng djuê ana, đru mguôp hlăm hdră mđĭ kyar ala čar lehanăn ba klei bi mjĕ Việt Nam – Vatican ƀrư̆ hruê ƀrư̆ jăk siam hĭn.

Khua knŭk kna mñă, Đảng, Knŭk kna Việt Nam rơ̆ng klei dưi êngiê klei đăo mơ̆ng mnuih ƀuôn sang, mpŭ lehanăn mjing djăp klei găl čiăng kơ mnuih ƀuôn sang dưi đăo, dưi nao hgŭm răng mgang Ala čar. Khua knŭk kna mtă kơ dŭm gưl bruă Đảng, bruă sang čư̆ êa čar Lào Cai lehanăn dŭm alŭ wăl hlăm kluôm ala mbĭt hŏng Anôk bruă kiă kriê klei đăo Knŭk kna hrăm mbĭt, ksiêm dlăng krĭng dleh dlan čiăng mâo hdră đru kơ mnuih ƀuôn sang; mđing uêñ, rơ̆ng kơ mnuih ƀuôn sang dưi drông knăm Noel êđăp ênang./.