Hluê anăn, hluê si Klei bi mklă mrô 243 hruê 24/01/2025 mơ̆ng Phŭn bruă kđi čar kơ klei mkŏ mjing bruă Đảng Knŭk kna, Anôk bruă Đảng Knŭk kna ba mdah leh Klei bi mklă mkŏ mjing 15 bruă Đảng hlăm Anôk bruă Đảng knŭk kna, mâo bruă Đảng dŭm anôk bruă: Kriê dlăng hdră bhiăn, Tuh tia mnia mblei, Dhar kreh, Mjuăt ktang asei mlei lehanăn Hiu čhưn ênguê; Bruă hŏng tač êngao, Mdrao mgŭn, Sang hră mơar mtô bi hriăm, Ngăn prăk, Rŭ mdơ̆ng, Bruă Lŏ hma Wăl hdĭp mda, Kreh knhâo kdrăp mrâo, Ksiêm dlăng bruă mă hlăm ala čar, Djuê ana – Klei đăo, Knơ̆ng prăk knŭk kna, Ksiêm dlăng knŭk kna lehanăn bruă Đảng dŭm anôk bruă đru kčĕ, đru bruă kơ Anôk bruă Đảng knŭk kna.

Leh jao klei bi mklă lehanăn hơêč hmưi kơ 15 bruă Đảng hlăm Anôk bruă Đảng Knŭk kna, blŭ hrăm ti anôk bi kƀĭn, Khua knŭk kna Phạm Minh Chính mtă kơ bruă Đảng hlăm Anôk bruă Đảng Knŭk kna mjêč ngă leh bruă mkŏ dăp anôk bruă Đảng hlăm Knŭk kna djŏ klei bhiăn Đảng; Bi ênŭm mnuih mă bruă; Mkŏ mkra klei bhiăn mă bruă hluê 5 hdră kiă kriê mơ̆ng Đảng djŏ hŏng klei bhiăn Đảng; Mđing kơ Klei bi kƀĭn bruă Đảng dŭm gưl hluê Asăp mtrŭn mrô 35 mơ̆ng Phŭn bruă kđi čar, bruă Đảng ngă bruă hluê Đảng kiă kriê kluôm lehanăn tŭ klei đua klam mbĭt./.