Khua knŭk kna bi mni kơ dŭm klei gĭr mơ̆ng dŭm phŭn dhar bruă, alŭ wăl, phung duh mkra lehanăn mnuih ƀuôn sang, bi klă boh tŭ dưn leh mâo đru mguôp leh yuôm bhăn kơ klei mđĭ kyar bruă duh mkra ala ƀuôn, mđĭ hnơ̆ng kjăp klei kiă kriê lăn čar, lehanăn klei mă bruă kơ mnuih ƀuôn sang. Khua knŭk kna mñă brei mâo klei bi mlih mơ̆ng klei mĭn truh klei mă bruă lehanăn klei kiă kriê tui si mta kñăm kơ boh tŭ dưn, mă bruă jăk hŏng mnuih ƀuôn sang, hŏng phung duh mkra. Tal êlâo mđing bi leh klei bhiăn mă bruă, mâo dŭm hdră êlan mđĭ kyar kjăp, kơ bruă duh mkra mrô, lehanăn iă kriê klei mĭn anak mnuih.

Khua knŭk kna mtă kơ dŭm phŭn dhar bruă pral mkŏ mjing lehanăn mâo hră mơar klei ktrâo atăt dŭm hdră bhiăn klei bi mlih mrô, kiă krie eklei mĭn anak mnuih, răng mgang klei êđăp ênang internet, klei mni amblei hŏng eliktronik rơ̆ng bi djŏ hŏng hdră bhiăn. Phŭn bruă kahan ksiêm ksiêm duah, mkŏ mjing lehanăn ba mdah hŏng knŭk kna, mâo hdră mtrŭn kơ klei bhiăn mđĭ kyar Anôk bruă kreh knhâo dưn yua kdrăp mrô ala čar bi leh hlăm 3 mlan akŏ thŭn 2026.