Ti anôk bi kƀĭn, phung bi ala bi êdah dŭm boh tŭ dưn, mă klei hriăm, lehanăn dŭm mta klei awăt kƀah, wăt hlăm bruă hdră bhiăn dôk mâo lu klei gun kpăk, boh nik hlăm klei blei mprăp êa drao gŭn, kdrăp mdrao mgŭn, djŏ tuôm hŏng klei kiă kriê ngăn dŏ knŭk kna.

Klei thâo kơ bruă hlăm dŭm boh sang êa drao nah gŭ ka dưi mghaih msir ôh. Blŭ hrăm ti anôk bi kƀĭn khua knŭk kna Phạm Minh Chính bi mni kơ dŭm boh tŭ dưn anôk bruă mdrao mgŭn mâo leh wưng êgao, mâo klei hơêč hmưi jăk kơ jih dhar bruă mdrao mgŭn ƀri hrue 27/2. Hlăm wưng kơ anăp, Khua knŭk kna mtă kơ dhar bruă mdrao mgŭn lŏ mđĭ hĭn knhuah gru mâo leh mơ̆ng đưm, dlăng kriê jăk klei suaih pral mnuih ruă hŏng boh klei mrâo. Khua knŭk kna ăt lač klă, jih jang klei awăt kƀah brei mgahih msir hĕ bi jih./.