Aguah mbrue 3/4, ti anôk bruă knŭk kna, Khua knŭk kna Phạm Minh Chính kiă kriê leh klei bi kƀĭn online bruă knŭk kna hŏng dŭm alŭ wăl mlan 3/2023 lŏ dlăng wĭt jih bruă ngă tui si gưl dlông mtrŭn, hdră mtrŭn mơ̆ng bruă kƀĭn ala, bruă phŭn kơ klei duh mkra mlan 3, lehanăn 3 mlan akŏ thŭn, klei hlue ngă hdră mtrŭn mrô 01 mơ̆ng knŭk kna lŏ kơrŭ wĭt bruă duh mkra, mrô 03 Hdră lăn čar kñăm, kơ klei bi liê ngăn prăk knŭk kna.

Kơ bruă čuăn hlăm wưng kơ anăp, Khua knŭk kna mtă ngă jăk hĭn jih jang hdră mtrŭn mơ̆ng Đảng, mơ̆ng Phŭn bruă kđi čar, mơ̆ng êpul khua kiă kriê, phung khua prŏng, mơ̆ng bruă kƀĭn ala, knŭk kna, lehanăn khua knŭk kna. Rơ̆ng bi mâo hnơ̆ng kjăp hlăm jih jang bruă tui si gưl dlông 7, lehanăn klei bi kƀĭn tal 5 Bruă kƀĭn ala gưl 15. Lŏ dơ̆ng krơ̆ng kjăp hnơ̆ng đĭ kyar, mkhư̆ klei prăk luič ênoh, mđĭ klei duh mkra kluôm, bi kna jih jang bruă. Mjing bruă knuă mă, đru kơ mnuih ƀuôn sang dưi hdĭp mda jăk./.