Blŭ hrăm ti anôk bi kƀĭn, Khua knŭk kna Phạm Minh Chính mtă kơ phung bi ala mđing trông čhai kơ klei hâo mdah bruă knuă mơ̆ng Êpul gơ̆ng klei bi ktưn – pah mni gưl dlông thŭn 2024, hlue ngă bruă čuăn phŭn kơ thŭn  2025; trông čhai, mă klei blŭ kơ bruă mđup brei anăn knăl “Lĭng kahan yang ƀuôn jhŏng ktang”, anăn knăl “mbruă hlăm klei mă bruă kơ dŭm êpul lehanăn mnuih.

Ksiêm bi mklă kơ boh klei bi ktưn, pah mni thŭn 2024: Bi êdah klă boh tŭ dưn leh mâo, mbĭt anăn dŭm mta klei dôk awăt êdu, bi mklă mta kñăm kơ thŭn 2025 lehanăn jih jang bruă čuăn mđĭ hnơ̆ng tŭ mơ̆ng bruă bi ktưn lehanăn pah mni. Boh nik, Khua knŭk kna mtă kơ dŭm anôk bruă hâo hưn mđing ngă bruă hâo hưn lu hĭn, čiăng kơ jih jang bruă mâo klei mnuih ƀuôn sang thâo săng. Thŭn 2024, Khua lăn čar, Khua knŭk kna mâo leh klei pah mni kơ giăm  95.000 êpul êya lehanăn mnuih mâo leh klei tŭ dưn hlăm djăp bruă bi ktưn, hlăm bruă rŭ mdơ̆ng lehanăn răng mgang lăn čar./.