Ti anôk bi kƀĭn, Khua knŭk kna Phạm Minh Chính brei thâo, hlăm wưng thŭn 2021 - 2026, knŭk kna bi liê truh 400 êbâo êklai prăk pioh mkra êlan klông. Anei jing sa mta bruă prŏng. Mâo ngă mkra hlăm kluôm ala mơ̆ng Dưr hlŏng kơ dhŭng, msĕ si êlan dơ̆ng dhŭng dưr, êlan dơ̆ng yŭ ngŏ lehanăn êlan klông mkŏ 6 krĭng duh mkra ala ƀuôn. Kyuanăn Êpul khua kiă kriê bi ksiêm dlăng nanao, kñăm mtrŭt mjhar lehanăn bi leh bruă čuăn.

Khua knŭk kna lač, ară anei kah leh prăk, mâo leh klei bhiăn mă bruă, ruh mgaih jih jang klei dleh dlan, čiăng kơ djăp bruă rŭ mkra mâo ngă hŏng klei jăk. Khua knŭk kna mtă kơ jih jang êpul ngă bruă, dŭm phŭn dhar bruă alŭ wăl mâo klei đua klam prŏng ti anăp Đảng knŭk kna, mnuih ƀuôn sang ba êlan êlâo mâo klei bi hmô jăk, bi kdơ̆ng hŏng klei ƀơ̆ng ngăn... Mkra bruă ala čar kñăm bi leh jăk bruă êlan klông./.