Bi ala kơ knŭk kna, Khua knŭk kna Phạm Minh Chính bi mni kơ dŭm klei gĭr lehanăn boh tŭ dưn dŭm phŭn dhar bruă, lehanăn alŭ wăl mâo kiă kriê leh kjăp bruă mơ̆ng knŭk kna, đru mguôp leh yuôm bhăn, mơ̆ng êpul kahan ksiêm, jih jang mnuih ƀuôn sang, phung duh mkra. Khua knŭk kna mñă, bruă hlăm wưng tinăp srăng jing ktrŏ hĭn.

Tui si klei khua knŭk kna gĭt gai, plah wah bruă kreh knhâo lehanăn klei mlih mrâo hŏng klei mbruă, klei bi mlih mrô mâo klei bi mguôp tliêr kjăp, mđing kơ anak mnuih jing boh phŭn kơ klei mă bruă. Mđĭ kyar bruă kreh knhâo jing bruă năng ngă, jing bruă tal êlâo mơ̆ng knŭk kna dôk ngă. Snăn khua knŭk kna mtă djăp alŭ wăl bi pral bi leh bruă ngă hŏng kdrăp mrâo kơ hră gŏ sang, hră lăn, ksiêm duah klei ba yua kdrăp mrô ngă bi ênưih jih jang 200 mta hră mơar, djŏ tui si klei dưi./.