Tlam mbrue 24/8, Khua knŭk kna Phạm Minh Chính kiă kriê leh klei knŭk kna bi kƀĭn kơ bruă mkra hdră bhiăn mlan 8/2023 Pioh bi trông kơ jih jang klei čih mkra mâo dŭm hdră bhiăn: Hdră bhiăn ƀuôn prŏng phŭn lŏ mlih mrâo; hdră bhiăn klei êđăp ênang êlan klông, hdră bhiăn êlan dơ̆ng, hdră bhiăn kơ bruă tuh tia kdrăp lĭng kahan, lehanăn bruă răng mgang klei êđăp ênang lehanăn bi kjăp bruă tuh tia. Ti anôk bi kƀĭn, knŭk kna hmư̆ leh dŭm anôk bruă hâo mdah kơ hdră mkra mjing klei bhiăn, tui hriăm mơ̆ng ala tač êngao hlăm bruă mkŏ mjing klei bhiăn, lehanăn hlak mblang ksiêm êmuh lu klei blŭ kơ klei čih mkra dŭm klei bhiăn. Klah čŭn ti anôk bi kƀĭn khua knŭk kna mtă kơ dŭm phŭn dhar bruă ksiêm wĭt jih jang bruă čih mkra kñăm bi klă, bi djŏ, ti dŏ srăng bi mlih, ti dŏ lŏ mkra mrâo.

Khua knŭk kna lŏ mñă, dŭm phŭn dhar bruă ksiêm dlăng bi kjăp hĭn kơ ya mta bruă năng kriê pioh mđĭ bi lar, ya mta bruă năng lăm lui, ti dŏ bi mlih bi kjăp êlâo kơ bi lar. Knŭk kna, phung khua prŏng hlăm knŭk kna bi gĭr hĭn mkŏ mjing lehanăn bi leh klei bhiăn, ruh mgaih jih jang ya mta klei dôk gun kpăk, mjing djăp klei găl kơ mnuih ƀuôn sang, kơ phung duh mkra; pŏk êlan kơ djăp mta klei găl pioh kơ klei mđĭ kyar bruă duh mkra hŏng klei kjăp, đru ba wĭt klei tŭ jing jih jang bruă čuăn mâo Đảng, knŭk kna mtrŭn leh./.