Khua knŭk kna Phạm Minh Chính lehanăn êpul khua prŏng Việt Nam kčưm gưl nao čhưn kơ ala čar Lao lehanăn hrăm mbĭt kiă kriê klei bi kƀĭn tal 45 Dhar bruă hgŭm knŭk kna Việt Nam – Lao, hlue si klei jak iêo mơ̆ng khua knŭk kna Lao Sonexay Siphandone.

Tui si hdră, klei hiu čhưn anei, Khua knŭk Phạm Minh Chính mâo klei bi trông hŏng khua knŭk kna Lao Sonexay Siphandone; nao kkuh čhưn hŏng khua gĭt gai Đảng, khua lăn čar Lao Thongloun Sisoulith; nao ti anôk bi ruĕ thŭn bi mguôp hgŭm mbĭt Việt Nam - Lao, Lao - Việt Nam 2022; bi tuôm hŏng khua bruă kƀĭn ala Lao Saysomphone Phomvihane; nao čuă phung khua kiă kriê êlâo dih hlăm Đảng, lehanăn knuk kna Lao , lehanăn kiă kriê mbĭt klei bi kƀĭn tal 45 dhar bruă hgŭm knŭk kna Việt Nam - Lao; nao ti anôk hgŭm duh bi liê Việt Nam – Lao; bi tuôm hong mnuih Việt Nam dôk hdĭp ti Lao. Klei khua knŭk kna Phạm Minh Chính lehanăn êpul khua prŏng Việt Nam nao čhưn kơ Lao tal anei lŏ hyuă kjăp, mđĭ hĭn klei bi mguôp yuôm bhăn, hgŭm bruă kluôm dhuôm, siă suôr bi đăo knang plah wah dua Đảng, knŭk kna Việt Nam - Lao.