Gưl nao čuă ala čar Singapore mkŏ mjing hlăm wưng klei mjĕ giăm hdră êlan Việt Nam – Singapore dôk đĭ kyar hŏng klei mbruă leh anăn ktang hlăm djăp mta. Thŭn 2023, 2 ala čar bi hdơr 50 thŭn mkŏ mjing klei mjĕ giăm leh anăn 10 thŭn mkŏ mjing klei bi mguôp hdră êlan. Singapore ba anăp hlăm ASEAN leh anăn dôk tal 2 hlăm 141 ala čar leh anăn alŭ wăl duh bi liê ti Việt Nam hŏng êbeh 3.000 hdră mkăp hŏng kluôm ênoh bi klă mâo 70 êklai USD.

Gưl nao čuă mơ̆ng Khua knŭk kna Phạm Minh Chính kñăm bi klă ba klei bi mguôp bruă duh mkra Việt Nam – Singapore đĭ ti hnơ̆ng mrâo hlăm wưng mâo lu klei kuôl kă mnia mblei êngiê (FTA) ênuk mrâo mâo klei nao hgŭm mơ̆ng Việt Nam leh anăn Singapore, hlăm anăn mâo klei kluôl kă ƀĭng hgŭm kluôm ênŭm leh anăn mrâo mrang hluh Pacific (CPTTP), klei kuôl kă ƀĭng hgŭm bruă duh mkra kluôm ênŭm ti alŭ wăl (RCEP).