Khua knŭk kna Phạm Minh Chính ksiêm dlăng boh sĭt hluê ngă dŭm hdră mkăp êlan dơ̆ng pral Dưr Dhŭng
Thứ ba, 10:33, 31/01/2023
VOV Tây Nguyên
VOV Tây Nguyên
VOV4.Êđê - Leh ksiêm dlăng bruă mkŏ mkra, hdră ngă bruă ti dŭm čar, ƀuôn prŏng krĭng dan mnai krông Cửu Long, tlam 30/1, ti Cần Thơ, Khua knŭk kna Phạm Minh Chính mă bruă hŏng dŭm phŭn, dhar bruă, alŭ wăl krĭng dap mnai krông Cửu Long kơ klei hluê ngă hdră mkŏ mkra hlăm alŭ wăl.
Blŭ hlăm mmông mă bruă, Khua knŭk kna mñă ktang klei mĭn srăng hluh, gĭr ktưn ngă bruă ktang phĭt, mâo mta knăm, ti bruă ngă srăng leh bruă anăn, mâo boh tŭ dưi yap leh anăn kñăm tal êlâo kơ dŭm hdră êlan dơ̆ng pral. Khua knŭk kna yap yuôm bhăn Phŭn bruă dŭ mdiăng leh anăn êlan klông, 9 čar, ƀuôn prŏng krĭng dap mnai krông Cửu Long djŏ tuôm hŏng dŭm bĭt êlan mâo leh klei gĭr ktưn.
Êngao kơnăn, Khua knŭk kna mñă brei mđĭ hĭn ênoh phung knuă druh, mđĭ klei thâo diñu čiăng bi hriăm hdơ̆ng pô, dưn yua hdră mnêč mrâo hlăm klei ngă bruă. Khua knŭk kna mtă kơ dŭm čar mâo êlan dơ̆ng pral găn dŭm alŭ wăl srăng mkăp mmông bi trông kah mbha klei thâo kơ klei hriăm, mbĭt hŏng anăn iêo mkrum ai dưi mơ̆ng mnuih ƀuôn sang.
Viết bình luận