Ti anăp klei dlưh hroh lăn kjham ti lu alŭ wăl, hlăm hdră ngă bruă ti krĭng dap mnai krông Cửu Long, tlam mbruê 11/8, Khua knŭk kna Phạm Minh Chính mbĭt hŏng êpul ngă bruă mơ̆ng knŭk kna leh anăn Khua bruă Đảng 3 čar Cà Mau, Sóc Trăng, Bạc Liêu nao ksiêm dlăng, bi klă klei klưh hroh ktuê hang krông, hang êa ksĭ dôk kjham êdi ti dŭm alŭ wăl anei. Leh nao ksiêm dlăng, Khua knŭk kna Phạm Minh Chính mtă kơ dŭm alŭ wăl srăng čŏng pô đru bi hơĭt klei hdĭp dŭm gŏ sang ti alŭ wăl giăm anôk klưh hroh anăn.

Čŏng mbĕ mđuê̆ dŭm gŏ sang kbiă mơ̆ng alŭ wăl ênưih mâo klei klưh hroh, čiăng ñĕ kơ klei kjăt kƀla hmăi kơ asei mlei mnuih ƀuôn sang êjai mâo klei klưh hroh. Khua knŭk kna mtă kơ dŭm phŭn, dhar bruă, alŭ wăl čŏng thâo klă boh sĭt, gĭt gai, hluê ngă bruă mgaih msir klei klưh hroh hluê si bruă klam, klei dưi pô, rơ̆ng djŏ hruê mmông, tŭ dưn, djŏ guôp hŏng boh sĭt, hmao hưn mdah hŏng dŭm anôk bruă mâo klei dưi gĭt gai bruă mgaih msir hŏng dŭm boh klei êngao klei dưi.