Hưn mthâo hlăm hdră ksiêm dlăng Msat Khua lăn čar Hồ Chí Minh, Anôk bruă kriê dlăng Msat, Knơ̆ng gĭt gai 969, Đại tá Phạm Hoài Trung brei thâo, hluê ngă bruă mâo jao, Anôk kriê dlăng Msat čih mkra leh hdră kčah, mprăp jăk mnuih mă bruă, mnơ̆ng dhơ̆ng, bi hgŭm hŏng êpul djŏ tuôm, pŏk hdră lŏ mkra mđĭ Msat hnơ̆ngn klei êđăp ênang lehanăn dôk hluê ngă djŏ wưng kčah.

Leh mkra mđĭ, asei atâo Khua lăn čar Hồ Chí Minh srăng dưi kriê pioh kjăp hĭn hŏng kdrăp maĭ mŏk ênuk mrâo, rơ̆ng kjăp hdră bruă mâo hlăm Msat lehanăn dŭm anôk bruă djiêu gah dưi jăk siam hĭn; phung knuă druh, mnuih mă bruă, lĭng kahan lŏ mâo klei thâo, mđĭ hdră ngă bruă lehanăn bi leh jih bruă klam mâo kčah jao mơ̆ng êpul./.