Khua knŭk kna Phạm Minh Chính ksiêm dlăng hdră mkra êlan ktuê roh 3 ƀuôn prŏng Hồ Chí Minh
Thứ hai, 15:15, 30/01/2023
VOV TayNguyen
VOV TayNguyen
VOV4.Êđê – Hlăm hdră ksiêm dlăng dŭm bruă phŭn mơ̆ng ala čar dŭm hruê akŏ thŭn mrâo, tlam hruê 29/1, jing hruê 8 mlan 1 hluê hruê mlan ƀlĕ, Khua knŭk kna Phạm Minh Chính nao ksiêm dlăng leh hdră mkra êlan ktuê roh 3 ƀuôn prŏng Hồ Chí Minh.
Hdră anei mâo boh taih dlông êbeh 76 km, găn ƀuôn prŏng Hồ Chí Minh, Bình Dương, Đồng Nai, Long An, hŏng 4 grông êlan, ƀô̆ êlan mgăn truh 19,75m. Hdră anei mâo ênoh duh bi liê hlăm brô 75.378 êklai prăk mă mơ̆ng ngăn prăk gưl dlông lehanăn alŭ wăl.
Wưng hluê ngă mơ̆ng thŭn 2023, ba yua hlăm thŭn 2026. Ti anôk ksiêm dlăng, Khua knŭk kna mtă kơ 4 čar, ƀuôn prŏng lŏ dơ̆ng bi hgŭm kjăp, ngă jăk hdră mprăp duh bi liê, boh nik hdră rŭ mdơ̆ng kñăm bi hrŏ klei lŏ mkra mđĭ êdei anăp; bi hgŭm ngă jăk hĭn hdră msir mghaih anôk ala, gĭr pŏk ngă bruă hlăm mlan 6/2023 lehanăn ba yua êlan anei hlăm mlan 6 thŭn 2025, ngă ruê̆ ênŭm hdră anei hlăm thŭn 2026./.
Viết bình luận