Hlăm mmông bi tuôm, phung hđeh sang hră gưl prŏng ala čar Hà Nội bi êdah klei mđing dlăng kơ hdră êlan mtô bi hriăm, kreh knhâo, kdrăp mrâo leh anăn mlih mrâo mbruă mơ̆ng Singapore; klei bi hgŭm bruă duh mkra mtô - bruă duh mkra mtah plah wah dua ala čar; dŭm klei thâo, klei hriăm yuôm bhăn hlăm bruă hriăm hră mơar, čiăng tŭ jing mơ̆ng Khua knŭk kna Lý Hiển Long; hdră êlan mđĭ klei bi hgŭm plah wah dŭm sang hră gưl prŏng mơ̆ng Singapore hŏng Việt Nam, boh nik hlăm dŭm bruă ksiêm hriăm, mlih mrâo, klei mĭn mbruă, klei čang hmăng mơ̆ng phung khua gĭt gai hŏng ênuk mda asei.

Ƀri gưl anei, ti gŭ klei ksiêm dlăng mơ̆ng Khua knŭk kna Phạm Minh Chính leh anăn Khua knŭk kna Lý Hiển Long, Sang hră gưl prŏng ala čar Hà Nội, sang hră gưl prŏng ala čar Hồ Chí Ming hŏng sang hră kdrăp mrâo Nanyang -Singapore bi siñê hră mơar kuôl kă bi hgŭm plah wah dŭm sang hră hlăm klei bi trông plah wah phung knuă druh, nai mtô, hđeh sang hră leh anăn ksiêm hriăm kreh knhâo.