Hlue si asăp jak iêo mơ̆ng khua knŭk kna Singapore Lý Hiển Long lehanăn mtao Brunei Darussalam Sultan Haji Hassanal Bolkiah, Khua knŭk kna Phạm Minh Chính lehăn mô̆ ñu mbĭt hŏng êpul khua prŏng Việt Nam srăng nao čhưn kơ ala čar Singapore và Brunei Darrussalam mơ̆ng hrue 8 truh 11/2/2023. Gưl nao čhưn tal anei jing yuôm bhăn hĭn nao ti anôk bi kƀĭn dŭm mta bruă ƀri bi hdơr 50 thŭn klei mjĕ mgiăm lehanăn 10 thŭn mkŏ mjing klei hgŭm kluôm dhuôm.

Hlăm klei hiu čhưn anei, Khua knŭk kna srăng bi trông klă mngač hŏng khua kiă kriê dŭm ala čar tui duah hdră êlan hgŭm hlăm wưng kơ anăp. Hlăm 10 thŭn kơ anei, leh Việt Nam lehanăn Singapore mâo klei kuôl kă hdră êlan hgŭm kluôm, dua ala čar mâo ngă leh lu bruă yuôm bhăn djăp mta, hlăm duh mkra, hlăm bruă lĭng kahan hlŏng truh kơ klei bi mguôp phung ƀuôn sang./.