Leh hmư̆ dŭm klei blŭ klah čŭn ti Anôk bi kƀĭn, Khua knŭk kna Phạm Minh Chính mñă, brei drei mâo hdră mdrơ̆ng djŏ guôp hŏng klei dôk mâo hlăm tar rŏng lăn lehanăn ala čar čiăng mđĭ lar dŭm klei găl mâo lehanăn bi hrŏ dŭm klei truh amâo jăk. Khua knŭk kna mñă, Đảng, Knŭk kna mâo mta kñăm klă klơ̆ng hŏng hdră mđĭ kyar dŭm anôk bruă duh mkra Việt Nam.

Mâo hdră mtrŭn mjing klei găl kơ anôk bruă duh mkra điêt lehanăn man dưn pŏk mlar hnơ̆ng, mđĭ ai bi ktưn, klei thâo mkra mjing, mđĭ kyar gru hmô bruă mnia mblei hluê tur knơ̆ng kdrăp mrô, ba yua hdră mnêč mrâo mrang, hdră duh mkra mrô, bruă duh mkra kah mbha, bruă duh mkra kluôm, bruă duh mkra mtah, răng mgang wăl hdĭp mda, mdrơ̆ng hŏng klei bi mlih yan adiê. Khua knŭk kna mtă kơ dŭm Phŭn, dhar bruă lŏ dơ̆ng ksiêm dlăng, bi leh klei bhiăn. Lui jih klei ngă hră mơar mtŭk mtŭl, mđĭ ênoh bi liê kơ mnuih ƀuôn sang, anôk bruă duh mkra. Mđĭ kyar anôk bruă nah gŭ mkăp kơ mnuih ƀuôn sang, anôk bruă duh mkra. Mbĭt anăn đru mjuăt bi hriăm mnuih mă bruă mâo hnơ̆ng thâo čiăng mđĭ boh tŭ hdră mă bruă kơ anôk bruă duh mkra điêt lehanăn man dưn./.