Blŭ hrăm tinei, Khua knŭk kna Phạm Minh Chính mñă klă, Hdră mtrŭn Klei bi kƀĭn tal XIII mơ̆ng Đảng lač klă, mđĭ kyar lăn čar kjăp mơ̆ng klei kreh knhâo kdrăp  mrâo leh anăn mlih mrâo mbruă. Khua knŭk kna lač brei ksiêm hriăm slogan mơ̆ng Anôk bruă jing “bi klin klei thâo leh anăn lar bra klei tŭ dưn mlih mrâo mbruă Việt Nam”.

Leh kơ anăn, Khua knŭk kna Phạm Minh Chính nao čuăn Êpul grup tuh tia mkra mjing - dang kông lĭng kahan (Viettel) leh anăn mă bruă kơ klei ksiêm hriăm mkra mjing mrâo mrang mơ̆ng Viettel. Tinei, Khua knŭk kna mtă Viettel lŏ dơ̆ng hlue ngă jakw hĭn hnơ̆ng trah dlăng leh anăn bruă klam pô čiăng ngă bruă dưi jao. Hlăm anăn, kƀĭn mkŏ mjing leh anăn mđĭ kyar, jing kmeh gơ̆ng mkŏ mjing êpul bruă tuh tia mrâo mrang; mkŏ mjing, mđĭ kyar bruă mkra mjing kdrăp lĭng kahan, đru hlue ngă bruă klam ba Việt Nam jing sa ala čar tuh tia đĭ kyar; êlâo hĭn ngă bruă tŭ dưn mlih mrâo ala čar hŏng bruă mkŏ mjing Knŭk kna mrô, ala ƀuôn mrô; răng kriê bruă klam mlih mrô; mkŏ mjing ênoh mrô ala čar, êđăp ênang bruă dang kông, êđăp ênang internet./.