Tlam mmăt mbrue (22/12), hlăm klei mă bruă ti čar Lào Cai, Khua knŭk kna Phạm Minh Chính lehanăn êpul ngă bruă, mă leh bruă hŏng êpul khua kiă kriê bruă Đảng čar Lào Cai, ksiêm wĭt kơ bruă mđĭ kyar duh mkra ala ƀuôn thŭn 2024 lehanăn hdră mă bruă kơ wưng ti anăp. Blŭ hrăm ti anôk mă bruă, Khua knŭk kna Phạm Minh Chính sa ai hŏng phung bi ala kơ klei boh tŭ dưn čar Lào Cai mâo leh hlăm thŭn 2024. Lehanăn tă hdră kơ thŭn ti anăp.

Khua knŭk kna mtă lŏ bi kjăp lehanăn bi leh bruă hlue ngă hdră mtrŭn 13 mơ̆ng Đảng, dŭm hdră êlan mơ̆ng gưl dlông mâo bi mklă leh, hlăm anăn mâo hdră mtrŭn mrô 11 mơ̆ng phŭn bruă kđi čar kơ klei mđĭ kyar duh mkra ala ƀuôn, lehanăn bruă răng mgang klei êđăp ênang krĭng kngư lehanăn čư̆ čhiăng kwar dưr, lehanăn hdră mtrŭn klei bi kƀĭn prŏng Đảng čar hlue ngă jih jang hdră êlan mơ̆ng Đảng, lehanăn klei khua knŭk kna kiă kriê./.