Hlăm hdră mă bruă ti Bình Định, tlam 5/2, Khua knŭk kna Phạm Minh Chính mă bruă hŏng khua gĭt gai čar Bình Định kơ boh tŭ thŭn 2022, bruă klam mđĭ kyar bruă duh mkra- ala ƀuôn thŭn 2023; msir mgaih klei akâo kñăm đru kơ Bình Định mđĭ kyar jăk hĭn klei găl, klei mâo, đĭ kyar pral, hơĭt kjăp. Klah čŭn mmông mă bruă, Khua knŭk kna Phạm Minh Chính čih yap, bi mni kơ bruă Đảng, bruă sang čư̆ êa leh anăn mnuih ƀuôn sang čar Bình Định bi hgŭm, gĭr ktưn leh anăn mâo klei tŭ kơ bruă duh mkra- ala ƀuôn, đru hlăm boh sĭt mbĭt mơ̆ng ala čar.

Khua knŭk kna mtă kơ čar Bình Định brei ktuê dlăng kjăp boh klei čiăng mdrơ̆ng kjăp hŏng hdră êlan jăk hĭn; mđĭ lar ai tiê čŏng ngă, hŏng ai êwa Tây Sơn, lŏ dơ̆ng hlue ngă mbha klei dưi, mđĭ mlih mrâo mbruă, ba yua klei kreh knhâo kdrăp mrâo, mđĭ kyar bruă duh mkra mrô, duh mkra mtah, mđing kơ bruă mkŏ mjing Đảng, bruă kđi čar./.