Ti anôk bi tuôm, Khua knŭk kna Phạm Minh Chính lač, klei khua knŭk kna Malaysia hriê čhưn anei jing yuôm kơ bruă lŏ hyuă kjăp klei bi hgŭm, êjai dôk hlăm jing khua kiă kriê ASEAN.

Kơ hdră êlan bi hgŭm ti anăp, mâo klei bi tŭ ư mđĭ hĭn klei bi tuôm khua prŏng dua nah, mkŏ mjing klei bi kƀĭn tal  8 êpul bruă hgŭm duh mkra mnia mblei lehanăn kdrăp mrâo Việt Nam – Malaysia hlăm thŭn 2025; pral ngă mtam bruă bi hgŭm kluôm dhuôm thŭn 2025-2028; anăp truh kơ klei bi klă klei hgŭm alŭ wăl Halal; bi hgŭm hlăm bruă mrô, duh mkra mtah, ba yua pui kmlă hŏng pil yang hrue lehanăn ai angĭn, bruă kreh knhâo mlih mrâo hŏng klei knhêč, bruă lŏ hma thâo mĭn, knŭk kna elektronik, răng mgang klei êđăp ênang hlăm hla pŏk./.