Klah čŭn ti anôk bi kƀĭn, khua knŭk kna hlak mblang kơ klei găl, klei dưi, lehanăn čang hmăng čar lŏ mđĭ hĭn bruă klam pô jing anôk phŭn kơ bruă lŏ hma mâo klei mđĭ kyar kjăp, ba akŏ hlăm lăn čar, boh nik jing bruă rông hdang kan, lehanăn mdiê kuê, ana boh kroh. Khua knŭk kna bi êdah klă, hlăm wưng tinăp, Đồng Tháp lŏ dơ̆ng duh nanao hlăm jih 3 mta bruă kñăm jing duh bi liê, blei yua mnơ̆ng, lehanăn čhĭ mnia hŏng ala tač êngao, pai mă jăk hdră êlan bi mnia mblei hlăm ala čar, lehanăn klei blei mnia hŏng ala tač êngao, ruh mgaih bi pral klei kơ prăk duh bi liê kluôm, mtlaih hĕ jih klei dleh dlan, klei gun kpăk, mđĭ kyar klei duh mkra ala ƀuôn.

Lŏ dơ̆ng bi mlih klei ngă hră mơar, mđĭ kyar anôk duh mkra, mđing mđĭ kyar alŭ wăl duh mkra, hŏng kdrăp mrâo mrang, mâo ai dưi ngă bruă prŏng. Mđĭ kyar bruă lŏ hma doh, hŏng kdrăp mă bruă ênuk mrâo, mâo hdră bi hgŭm mơ̆ng phŭn hlŏng kơ êdŭk, duah êlan bi mnia mblei hŏng online, hŏng elektronik, mđĭ kyar bruă hiu čhưn ênguê mbĭt hŏng bruă hƀuê ênuk, păn kjăp knhuah gru dhar kreh, bi djŏ guôp hŏng lăn ala yan adiê, knhuah gru mơ̆ng krĭng anăn./.