Tui si klei hâo mdah, 6 mlan akŏ thŭn 2023 klei duh mkra ala ƀuôn hlăm čar mâo leh dŭm boh tŭ dưn jăk, ênoh jih jang mnơ̆ng dhơ̆ng mâo đĭ truh 3,43%. Bruă duh mkra mâo lŏ mkŏ wĭt hŏng klei jăk. Klah čŭn ti anôk ngă bruă, khua knŭk kna Phạm Minh Chính bi mni kơ dŭm klei gĭr bruă Đảng, bruă sang čư̆ êa, lehanăn mnuih ƀuôn sang čar Long An mâo leh.

Kơ bruă lŏ tă êlan mđĭ kyar čar Long An Khua knŭk kna kčĕ, Long An ngă bruă bi tŭ jing hĭn kñăm mâo knhuang mđĭ kyar hŏng klei pral lehanăn kjăp, mjing kơ Long An jing knơ̆ng kơ bruă lŏ hma pla mjing, hlăm anăn mâo bruă mâo bruă tuh tia mkra mjing mtah doh, hŏng kdrăp ngă bruă mrâo mrang, mkra mjing jăk boh mnga bruă lŏ hma, bruă duh mkra mnia mblei jing knơ̆ng kơ klei bluh đĭ atăt Long An jing anôk phŭn kơ klei dŭ mdiăng mnơ̆ng dơ̆ng čhĭ mnia hlăm alŭ wăl. Lehanăn dưn yua jih klei găl pô, mkŏ tŭ jing bruă duh mkra mbĭt hŏng ƀuôn prŏng Hồ Chí Minh, lehanăn krĭng nah Ngŏ kwar Dhŭng, mjing klei găl kơ êlan bi mkuh hŏng Campuchia.