Khua knŭk kna Phạm Minh Chính mă bruă ti čar Cao Bằng
Thứ ba, 10:51, 17/01/2023
VOV Tây Nguyên
VOV Tây Nguyên
VOV4.Êđê - Hruê mbruê 16/1, hlăm hdră ngă bruă ti Cao Bằng, Khua knŭk kna Phạm Minh Chính nao ksiêm dlăng boh sĭt hdră mkăp êlan dơ̆ng pral Đồng Đăng - Trà Lĩnh leh anăn bruă hluê ngă Anôk bruă tuh tia ƀăng jang knông lăn Cao Bằng – dŭm boh kdrŭt mđĭ kyar mrâo mâo knhuah hdră êlan hŏng alŭ wăl anei.
Ti ƀăng jang knông lăn Tà Lùng, kdriêk Quảng Hoà, Khua knŭk kna Phạm Minh Chính hmư̆ leh Khua bruă Đảng čar Cao Bằng Trần Hồng Minh hưn mdah kơ hdră čuăl mkă, tă mdră mđĭ kyar Anôk bruă tuh tia ƀăng jang knông lăn čar Cao Bằng. Hluê si hdră čuăl mkă, anôk bruă tuh tia anei mâo sa kdrêč amâodah kluôm ênhă mơ̆ng 31 să leh anăn 3 wăl krah knơ̆ng lăn (mơ̆ng să Cần Nông, kdriêk Hà Quảng truh kơ să Đức Long, kdriêk Thạch An).
Khua knŭk kna mñă klă, Anôk bruă tuh tia anei dưi bi klă čuăl mkă hlăk mlan 3/2022, anei jing boh kdrŭt mđĭ kyar mrâo ti čar Cao Bằng. Čiăng dưi ngă bruă anei, Khua knŭk kna mtă kơ čar hluê ngă đa đa bruă klam msĕ si lŏ dơ̆ng čô pô, mkŏ mjing êlan knôn lăn êđăp ênang, bi hgŭm, bi mguôp, mđĭ kyar Việt Nam – China.
Viết bình luận