Hlue si klei hâo hưn, Gưl I thŭn anei, boh klei duh mkra- ala ƀuôn čar Thừa Thiên Huế lŏ dơ̆ng mâo lu klei gĭr, hlăm anăn ênoh prăk bi liê kluôm ala ƀuôn mâo hlăm brô 5 êbâo êklai prăk, đĭ êbeh 9% mkă hŏng wưng anei. Prăk hrui wĭt knŭk kna đĭ 3,5%.  Khua knŭk kna Phạm Minh Chính bi mni kơ klei gĭr leh anăn boh tŭ dưi mâo mơ̆ng bruă Đảng, knŭk kna, lĭng kahan leh anăn mnuih ƀuôn sang čar Thừa Thiên Huê, đru yuôm bhăn hlăm boh tŭ mbĭt mơ̆ng kluôm ala.

Hlăm wưng kơ anăp, Khua knŭk kna mtă, ksiêm dlăng pŏk ngă tŭ dưn Hdră mtrŭn Klei bi kƀĭn XIII mơ̆ng Đảng, Hdră mtrŭn Klei bi kƀĭn bruă Đảng čar. Jing alŭ wăl mâo lu klei găl mđĭ kyar, boh nik jing kơ klei duh mkra hlăm êa ksĭ, hiu čhưn ênguê jing dhar kreh hƀuê ênuk - dliê kmrơ̆ng, Čar mđing mđĭ kyar, boh nik bi kna bruă duh mkra- dhar kreh -ala ƀuôn leh anăn răng mgang wăl hdĭp mda mguôp hŏng rơ̆ng klei êđăp ênang, mđing kơ bruă mkŏ mjing Đảng leh anăn mkŏ mjing anôk bruă knŭk kna bi hgŭm, kpă ênuah, êngiê leh anăn tŭ dưn./.