Tlam mmăt mbrue (29/1), ti ƀuôn prŏng Hồ Chí Minh Khua knŭk kna Phạm Minh Chính nao kkuh mơak thŭn mrâo lehanăn mâo asăp mtrŭn, trŭn ngă bruă akŏ thŭn ti kdrŭn Tân Cảng Cát Lái hlăm knơ̆ng bruă Tân Cảng Sài Gòn lehanăn dlăng dŭm boh container mnơ̆ng srăng dưi ba čhĭ tal êlâo akŏ yan mnga Quý Mão 2023.

 Khua knŭk kna Phạm Minh Chính brei thâo, thŭn 2023, boh klei dlông rŏng lăn, lehanăn wăt hlăm ala čar dôk mâo lu klei dleh dlan, lu klei lông dlăng. Khă snăn, drei ăt păn kjăp klei mĭn bi leh jăk jih jang mta kñăm bruă mđĭ kyar klei duh mkra thŭn 2023: krơ̆ng kjăp hnơ̆ng đĭ kyar kluôm. Ti knăm blŭ hrăm anei, khua knŭk kna lehăn phung khua prŏng mkŏ mjing klei bhiăn mtrŭn mnơ̆ng ba čhĭ kơ ala tač êngao tal êlâo hlăm thŭn Quý Mão 2023 mơ̆ng kdrŭn Tân Cảng – Cát Lái, hlăm knơ̆ng bruă Tân cảng Sài Gòn, ba lu klei čang hmăng, klei đăo knang kơ sa thŭn klei bi mnia mblei hŏng ala tač êngao jăk mâo klei đĭ kyar prŏng./.