Khua knŭk kna bi mni, bŏ 76 thŭn mkŏ mjing leh anăn mđĭ kyar, Sang hră mdrao kahan bi mklă bruă klam jing sa hlăm dŭm sang hră gưl prŏng mdrao mgŭn mrô sa, boh nik hlăm klei mtô bi hriăm phung ngă bruă mdrao mgŭn mâo klei thâo, ksiêm hriăm mdrao mgŭn bruă lĭng kahan, ba jao hdră mnêč mdrao mgŭn leh anăn jing anôk mdrao jăk hĭn.

Dŭm ênuk phung nai leh anăn phung hriăm hlăm Sang hră mdrao kahan bi êdah jăk kơ bruă mdrao mgŭn kahan ăt msĕ mơh bruă mdrao mgŭn ala čar. Khua knŭk kna lač klă, hlăm wưng kơ anăp, Sang hră mdrao kahan brei mđĭ kyar nanao hŏng bruă klam jing sa hlăm dŭm sang hră mdrao mgŭn mrô sa mơ̆ng Việt Nam, jing sa sang hră Gưl prŏng phŭn ala čar; jing anôk mtô bi hriăm, ksiêm hriăm kreh knhâo, mđĭ kyar leh anăn ba yua hdră mnêč mrâo mrang hlăm bruă mdrao mgŭn kahan leh anăn mdrao mgŭn mbĭt mơ̆ng ala čar leh anăn dlông rŏng lăn.