Blŭ hrăm tinei, Khua knŭk kna Phạm Minh Chính pah mni, bi myuôm dŭm klei gĭr  leh anăn boh tŭ dưn dưi mâo mơ̆ng phung mniê Việt Nam, đru mguôp hlăm klei đĭ kyar mơ̆ng phung mniê leh anăn bi klă bruă klam yuôm bhăn mơ̆ng phung mniê holăm bruă mkŏ mjing leh anăn răng mgang lăn čar.

Mŭt hlăm ênŭk mrâo, ênuk kpưn đĭ mơ̆ng djuê ana, Khua knŭk kna mñă klă, Phung mniê Việt Nam lŏ dơ̆ng bi lar hĭn knhuah gru hing ang, gĭr găn jih klei dleh dlan, klei lông dlăng, mâo nanao klei bi mguôp, hrăm mbĭt, sa ai, mâo ai tiê thâo khăp, thâo pap, hrăm mbĭt hŏng lăn čar gĭt bi leh dŭm mta kñăm, bruă klam mđĭ kyar bruă duh mkra ala ƀuôn. Khua knŭk kna mñă, Phung mniê Việt Nam srăng bi lar knhuah gru jăk sim leh anăn dŭm boh tŭ dưn dưi mâo leh, nao klă hŏng bruă klam leh anăn boh tŭ kmeh gơ̆ng “Bi mguôp, jih ai tiê, mbruă, hnơ̆ng tŭ jăk”, gĭr hĭn hlăm bruă kđi čar, mlih mrâo ktang hĭn, amâo mâo mdei klei čŏng pô, mbruă, bi leh jăk dŭm mta kñăm leh anăn hdră tă mâo leh.